Update: My Mutual Fund Investment

This short post is dedicated to Bro. Ike. Nahihirapan daw kasi syang magbasa ng post kong tagalog. Ma-english nga....

-------------------------------------------------------------------------------------------------------------------------

If you haven't read my previous post about my Mutual Fund investment click here.

I invested a total 40,000 pesos in Mutual Funds back in December 2007. 

I bought 54 Philam Strategic Growth Fund (PSGF) shares for 356.80 pesos per share and 9,205 GSIS Mutual Fund shares for 2.157 pesos per share from Philam Asset Management Inc (PAMI).

For almost 3 years I have been watching how my investments performance as it slides to a low of about 

P 216 NAVS for PSGF back in 2009. That was time that I thought that investing in Mutual Funds is not worth at all. Being an OFW losing a hard earned money is a pain in the butt. 

But recently the stock market in the Philippines soared like crazy! Maybe it is brought by investors who are pouring a lot on investments due to a newly found confidence in the leadership of P Noy. P Noy must be grinning ear to ear and so am I.

Just imagine, as of today my PSGF shares is worth P 487.26 and my GSIS Funds is worth P 2.88. Which means that my investment grew at the rate of 34% to 37% in less than 3 years. So much better than putting money in time deposit.

In effect my small investment of roughly P 39,000 3 years ago, less the fee ( yes, they take service fee!) is now P 53,000.00. Not bad! Considering that I invested only once. Just imagine, lets say I put P 5,000 every month for 3 years . I would have been richer by now!

The Falcons is Soaring...sa wakas

Isa sa pinakamalakas na basketball team sa kakatapos na UAAP Season 73 ay Adamson Soaring Falcons.

Ako ay Adamsonian. Pero ni minsan hindi ako naging interesadong manood ng larong basketball ng Falcons dahil alam ko kadalasan lagi namang talunan at tambak ang score. Minsan naiisip ko na pampataas lang ng standing ng ibang teams pag Falcons ang kalaban. Kahit pa noong unang tapak ko sa Adamson, mas naging fan pa ako ng ibang mga malalakas na team tulad ng UST Growling Tigers, Ateneo Blue Eagles at La Salle Green Archers.

Dahil nga sa predictable na ang kalalabasan ng laro, madalang ang mga nanonood ng laro ng Falcons.

Ang style kasi nitong mga PE teachers nong freshman ako ay i require ang mga estudyante na manood ng boring na laro ng Falcons. Para syempre may pumalakpak sa iilang score na mai shoot. Kung baga sa eleksyon ang mga freshmen ang mga "flying voters".  

Noong 1994, hindi nakalaro ang Falcons sa UAAP dahil kay Marlou Aquino. Pano ba naman kasi, alam naman ng university ng kulang sa required na units itong si Marlou ay pinaglaro pa rin sa UAAP. Pero kahit pa nag sabay sina Kenneth Duremdes, EJ Feihl at Marlou Aquino, dalawang beses pa rin silang pinataob sa championship ng UST Growling Tigers noong 1993 at FEU Tamaraws noong 1992.

Nag-iisa lang ang korona ng Falcons sa basketball sa pangunguna ni Hector Calma noon pang 1977. 

Pero sa nakaraang Season 73, nagulat ako sa pinakitang galing ng Adalson Falcons  Mula sa 5th standing from last year, umangat sa pang tatlong pwesto ngayong taon.

Kaya hindi ko pinalagpas ang mga laro ng Falcons sa TFC dahil kahit ang mga magagaling na team tulad ng FEU Tamaraw ay natalo na rin nila. Ngayon lang ako napabilib sa team ng Adamson Soaring Falcons dahil halos malalakas ang mga players nila kahit pa sabihin na nating 28 na magkasunod na tinalo ng Ateneo Blue Eagles ang Falcons since 1997 pa at 17 beses ding tinalo ng FEU Tamaraws since 2002.

Si Alex Nuyles ang paborito kung player sa Falcons. Naalala ko si Bong Alvarez pag naglalaro itong si Nuyles. Panoorin nyo na lang ang sample dunk ni Nuyles:



Ilan sa mga sikat na players ng Falcons ay sila:

Kenneth Duremdes (1998 PBA MVP,played at former sunkist now Coca Cola Tigers, 1996 Alaska Milk Grandslam)

Ken Bono (2007 UAAP MVP, first round Pick by Alaska, traded to San Miguel and now playing for Coca Cola Tigers)

Edward Joseph Feihl former Purefoods TJ Hotdog

Hector Calma former San Miguel Beer Player, 1989 Grandslam with San Miguel Beer Man

Eddie Laure former MVP on MBA disband, former shell turbo charger, alaska Milk and now playing for Rain or Shine

Louie Alas (Letran Knights head coach)

Mel Alas coach for 68th season of UAAP

Richard "Chad" Alonzo former Purefoods Tj Hotdogs and now plying for Red Bull Barako

Leo Canuday

Patrick Cabahug

Roel Hugnatan

Melvin Mamaclay former Sta. Lucia Realtors

Mark Abadia

Ramil Tagupa

Elmer Layug

Dennis Madrid

Gherome Ejercito former Air 21 Express

Jonathan De Guzman

Glen Peter Yap

Erwin Luna

 source: http://en.wikipedia.org/wiki/Adamson_Falcons

Unti-unting bumabalik ang kompiyansa ko sa Falcons. Sa susunod na taon sa UAAP Season 74 aabangan ko ang bawat laban ng Adamson Soaring Falcons.

Brownout sa amin

Ano ang mas mahalaga kuryente o tubig?

Kung sa atin sa Pinas ay nagkakaroon ng crisis sa tubig dito naman sa amin sa Sharjah, UAE ay nagkakaproblema naman sa kuryente.

photo courtesy of gulf news

Mga dalawang buwan na rin siguro ang nakakaraan ng nagkaroon ng malawakang rotating brownout dito. Pero hindi ito ang una dahil mga ganitong buwan din ng nakaraan na taon ay nakaranas din ng brownout.

Sa tindi ng temperature na mga 45 celcius, halos hindi na ako makahinga dahil walang umiikot na hangin sa flat. Ang mas nakakaawa ay ang dalawang maliit kong mga tsikiting na pawis na pawis sa tindi ng init. Hindi lamang problema ang kawalan ng kuryente kundi problema rin na baka mawalan ng tubig dahil hindi gagana ang motor ng tubig. At dahil kalilipat lang namin sa bagong flat ay hindi pa kami kinakabitan ng koneksyon para sa gas sa pagluluto kaya electric stove ang gamit namin.

photo courtesy of gulf news

Walang maibigay na paliwanag ang SEWA o Sharjah Electric and Sewage Authority (parang pinagsamang Meralco at MWSS sa Pinas) tungkol sa halos mga isang linggong ring problema. Kahit kabi-kabila ang sandamukal na reklamo ng maraming tao pinagkibit balikat lang ito ng SEWA. 

Sa palagay ko, sa laki ng demand ng kuryente dahil sa kainitan noon ay di kayang suplayan ang mga ito. Ang resulta, maraming negosyo ang nalugi lalo na yong mga groceries. 

Ayon din sa bali balita, malaki daw ang pagkakautang nitong SEWA.

Sa gabi maraming tao ang tumatambay sa labas o sa may park. Ang iba naman ay minabuting magsiksikan sa City Center Sharjah na may nakaabang na generator. Dahil may mga area na 8 oras ang walang kuryente.

photo courtesy of gulf news

photo courtesy of gulf news

Isang kaibigan ang nakasabayan naming magtambay sa City Center Sharjah isang hapon. Sabi anya bumaba pa daw sya galing sa 14th floor dahil hindi gumana ang elevator dahil sa brownout. Buti nalang at nasa 1st floor lang kami nakatira kaya hindi mahirap bumaba.

Ang style naman namin para makaiwas sa init ay magtawag ng mga kaibigan na may kuryente at makiusap na tumambay ng ilang oras. 

Sa ngayon balik normal na ulit ang kuryente. Palagay ko nahanapan na rin ng solusyon ng SEWA ang problema. shukran!

Peso vs. Dollar

Pababa ang trend ng peso kontra dolyar sa ngayon. Ayon sa balita sa TV patrol noong isang gabi malamang magiging P 42 = $ 1 ang palitan sa loob ng anim na buwan. Dagdag pa ng isang ekonomista, posibleng magiging P 40 = $ 1 pa daw ang palitan dahil sa lumalakas na ekonomiya ng Pilipinas.

Sa ganitong sitwasyon, malamang nakangiti si P-Noy. Bumabalik na kasi ang kompiyansa ng mga namumuhunan sa Pinas. Dahil siguro mas kampante silang si P-Noy ang presidente na parang walang kabalak balak mangurakot sa pwesto.

Pero sa isang OFW na katulad ko, ito ay isang masakit na balita at mas masakit sa bulsa. Dahil ibig sabihin mas lalaki ang kailangang ipadala para matustusan ang gastos sa Pinas.

Naalala ko pa noong mga 2004, ang palitan ng dollar noon ay halos umabot sa P 56 at ang dirhams naman ay mga P 15. Kaya naman sa kakarampot kong sahod noon ay nabayaran ko ang tatlong "over-used" credit cards kong naiwan sa Pinas. Pesteng credit card talaga. Masarap gumastos pero kalbaryong bayadan.

Dahil na rin sa inflation, tumaas na lahat ang mga bilihin hindi lamang dito sa Dubai pati na rin sa Pinas. Naalala ko pa na ang dinatnan kong isang pirasong grilled chicken na kasing laki ng kalapati sa Spinneys Supermarket ay 5 Dirhams. O-M-G! After 6 years ang dating manok na ga-kalapati ay hindi pa rin lumaki. Pero doble na ang presyo sa halagang 10 Dirhams.

"What-to-do", sabi nga ng mga Pana. Kaya kahit lumaki ang sahod halos ganon pa din ang purchasing power ng pera. Minsan kulang pa ngang pang grocery ang nakabudget na pera.

Ganon talaga. Hindi naman pwedeng ibato kay Obama ang sisi kung bakit ba kailangang may ganitong pagtaas at pagbaba ng dollar o peso.

Sa mga katulad kong OFW, kunting tiis lang makakaraos din tayo.