May inquiry ako galing sa isang kliyente sa Angola na gustong bumili ng isang bagong diesel na Toyota Hilux. Paghatid ko sa mga bata nursery at kay kay misis sa opisina kaninang umaga, dumiretso na ako sa Dubai para mag canvass ng murang presyo ng sasakyan.
Ang Al Aweer Used Car Complex ay parang tiyange ng mga bago at used na kotse sa Dubai. Halos lahat na ata na model at yari ay makikita mo dito. Sa loob ng complex dikit dikit na nakaparada ang ibat ibang sasakyan. May malaki. May maliit. Halos wala ng parking lot minsan dahil sa daming kotse na nakaparada loob. Dinarayo ito ng mga ibat ibang lahi na gustong ibenta ang kotse, mag swap o di kaya ay bumili ng bago. Kalimitan cash ang bayaran kasi for export ang mga sasakyan. Pwede rin bumili for local use pero syempre mas mataas ng kunti ang presyo.
Matapos akong magtanong sa ibat ibang supplier ng hinahanap kong kotse, umikot muna ako at binusog ko ang mga mata ko sa mga magagarang sasakyan na nakikita ko. Minsan din akong nangarap na magkaroon ng sarili kong kotse noong bagong dating ako sa Dubai. Dahil sa init ng panahon dito sa Dubai, mas ok na may tsikot para hindi mainip sa kahihintay ng bus ng RTA o taxi.
Pumarada ako sa tapat ng isang showroom. Pagpasok ko bumati sa akin ang kabayang receptionist. Kunwari nagtanong ako ng presyo ng isang kotse na nakadisplay. Pero ang talagang pakay ko ay magpa-kodak sa nakadisplay na Lamborghini.
Habang nag tse tsek si Mari (ang kabayang receptionist) ng presyo ng kotseng kunwari ay tinatanong ko sa desktop nya, sinamantala ko ang pagkakataon para sa aking photo op.
"Pa kodak ka lang dyan kuya, habang wala pa amo ko", sabi ni Mari.
Gusto ko pa sanang umupo sa driver seat pero malas ko lang dahil dahil may warning sa windshield ng sasakyan.
"Don't touch me please."
O sige na! Isnabiro pala itong Italianong kotse sa mga bisita.
Mantakin mo nakakalula pala ang presyo ng ganitong modelo ng Lamborghini. Pag full option aabot ng mga 350,000 usd lang naman ang presyo. Itong nakita ko mga 140,000 usd dahil basic option lang. walandyo talaga as in! what a mess! Sa laki ng makina nito na V12, may top speed na 320 km/hr at kayang mag accelerate from 0-100 km in 3.2 sec, makikipagpustahan ako sa yo, tanggal ang muta mo.
